Ні ўлада, ні БДУ не выказалі спачуванне з нагоды смерці Ірыны Казулінай
Ніводзін прадстаўнік беларускіх уладаў, дзяржаўнай прэсы і кіраўніцтва Беларускага дзяржаўнага універсітэта не выказалі спачуванне сям’і Казуліных. Пра гэта Еўрарадыё паведаміла Вольга Казуліна, старэйшая дачка былога рэктара БДУ. Паводле яе слоў, цэлы дзень яна не можа дазваніцца ў калонію “Віцьба-3”, дзе адбывае пакаранне Аляксандр Казулін. Дагэтуль невядома, ці адпусцяць палітыка на пахаванне жонкі.
