Вы тут

Невядомыя паведамілі пра мініраванне Полацкага дзяржаўнага ўніверсітэта

Эвакуацыя студэнтаў Полацкага ўніверсітэта / Кадр з відэа

Паведамленне пра мііраванне Полацкага дзяржаўнага ўніверсітэта прыйшло 2 снежня на электронную пошту праваахоўнікам Віцебшчыны. Пра гэта паведамляе прэс-служба МУС.

На месца здарэння адразу выехалі следча-аператыўныя і сапёрна-піратэхнічныя групы, МНС, медслужбы.

Спецыялісты абследуюць корпусы ўніверсітэта і прылеглай тэрыторыі на наяўнасць небяспечных прадметаў.

На відэа, якое апублікавала прэс-служба МУС, паказаная эвакуацыя студэнтаў універсітэта. 

За апошнія паўгода беларускія праваахоўнікі некалькі разоў атрымлівалі паведамленні пра мініраванне гандлёвых цэнтраў у Мінску, гатэлі, аэрапорт і чыгуначны вакзал. Акрамя таго, прыходзілі паведамленні пра мініраванне заводаў "Нафтан" у Наваполацку і "Гродна-Азот". 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.