Навукоўцы: з кожным новым пакаленнем чалавецтва губляе кемлівасць і крэатыўнасць
Брытанскія даследчыкі прааналізавалі хуткасць рэакцыі людзей, якія жылі ў ХІХ стагоддзі, і цяперашніх жыхароў Вялікабрытаніі.
Як піша брытанскае выданне Daily Mail, людзі ў Віктарыянскую эпоху былі больш творчымі і вынаходлівымі. Вынікі даследавання несуцяшальныя: паказчык агульнага інтэлекта няўхільна зніжаецца. Пра гэта сведчыць зніжэнне хуткасці рэакцыі і ў мужчын, і ў жанчын. Каэфіцыент інтэлекта (IQ) кожнае дзесяцігоддзе змяншаецца на 1,23 балы, а з 1880 года ён знізіўся аж на 14 пунктаў.
Цяпер у інтэлектуалаў нараджаецца значна менш дзяцей, чым у людзей з нізкім узроўнем інтэлекта. Адсюль і такі сумны вынік, мяркуе аўтар даследавання доктар Майкл Вудлі.
Фота — bymedia.net
