"Наўмыснае пашкоджанне кавалка сцяны": 1,5 года калоніі за надпіс "3%"
"Табакерка" з надпісам 3% / belsat, фота ілюстрацыйнае
Маладога чалавека ў Докшыцах асудзілі на паўтара года калоніі за надпіс "3%" на сцяне крамы, пішуць праваабаронца. Дзевятнаццацігадовага Аляксандра Сініцу судзілі па артыкуле 341 — "апаганенне збудаванняў і псаванне маёмасці".
З артыкула ў раённай газеце "Родныя вытокі” вынікае, што надпіс на сцяне крамы "Зручны" Сініца зрабіў звычайнай васковай крэйдай. Газета не ўдакладняе, пра які надпіс ідзе гаворка.
Сініцу адправяць адбываць пакаранне ў калонію ва ўмовах агульнага рэжыму.
