Нарвегія высылае трох расійскіх дыпламатаў
![Нарвегія высылае трох расійскіх дыпламатаў](/sites/default/files/styles/gallery_main/public/2023-08/narvehija-0604.jpg.webp?itok=V6t7WgTU)
Трох дыпламатаў высылае Нарвегія. Як заявіла міністр замежных спраў Аннікен Хюітфельт, яны абвешчаныя персонамі нон грата за "несумяшчальную з іх дыпламатычным статусам дзейнасць".
Па словах кіраўніцы нарвежскай дыпламатыі, асаблівую ўвагу непажаданай дзейнасці Расіі сталі надаваць пасля трагедыі ва ўкраінскай Бучы. "Гэта наступства жахлівага раскрыцця злачынстваў расійскіх войскаў супраць мірных жыхароў, у прыватнасці, у горадзе Буча пад Кіевам", — патлумачыла яна.
Па падліках СМІ, за апошнія дні з розных краін ЕС былі высланыя больш за 200 расійскіх дыпламатаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.