Народзіны Багдановіча адзначылі пад бел-чырвона-белым сцягам (фота)
Грамадскія актывісты ўшанавалі памяць паэта каля яго помніка ў Мінску.
Увечары 9 снежня каля дзесяці чалавек сабраліся каля помніка Максіму Багдановічу ў скверы бліз Опернага тэатра. Яны прыйшлі адзначыць дзень народзінаў паэта.
Удзельнікі штогадовай акцыі разгарнулі бел-чырвона-белы сцяг і ўсклалі кветкі да помніка, а таксама праспявалі песні, напісаныя на словы Багдановіча.
Вечаровая акцыя прайшла без затрыманняў.
