Намеснік старшыні Гомельскага гарвыканкама затрыманы п'яным за рулём
![Намеснік старшыні Гомельскага гарвыканкама затрыманы п'яным за рулём](/sites/default/files/styles/gallery_main/public/2023-08/pjany-2211.jpg.webp?itok=xp1caIt_)
Паводле неафіцыйных звестак, аднаго з намеснікаў старшыні Гомельскага гарвыканкама затрымалі за кіраванне аўтамабілем у нецвярозым стане, інфармуе БелаПАН.
Паведамляецца, што здарэнне адбылося ў ноч з 19 на 20 лістапада. Супрацоўнікі ДАІ спынілі чыноўніка для праверкі. Пры аглядзе выявілася, што ў крыві кіроўцы — 2,13 праміле алкаголю.
Супрацоўнікі ДАІ не каментуюць гэтую інфармацыю для журналістаў.
22 лістапада звесткі пра чыноўніка зніклі з сайта гарвыканкама ў раздзеле "Кіраўніцтва". Хаця яшчэ 21-га ён знаходзіўся на працоўным месцы ў сваім кабінеце.
У прыёмнай гарвыканкама журналістам БелаПАН паведамілі, што намеснік старшыні "быццам бы" ўжо ў іх не працуе і 21 лістапада ў яго быў апошні дзень.