Нагорны: Міс Беларусь-2008 можа стаць рудая дзяўчына
На кастынгі прыходзяць у асноўным дзяўчаты славянскай знешнасці - светла-русыя з блакітнымі вачыма, але сябры журы не выключаюць, што пераможцай можа стаць дзяўчына з экзатычнай знешнасцю альбо рудая.
Па словах кіраўніка мадэльнага агенцтва Сяргея Нагорнага, яны не шукаюць канкрэтны тып дзяўчыны, бо апроч знешнасці канкурсантка павінна быць яшчэ артыстычнай і кемлівай, каб змагла дастойна прадстаўляць краіну на міжнародным узроўні. На пытанне Еўрарадыё, ці не робіць журы стаўку на славянскі тып знешнасці, Сяргей так і не адказаў.
Еўрарадыё: Апошні конкурс “Міс свету” паказаў, што зараз у модзе брунэткі. А вы на каго робіце стаўку - на бландзінак ці цёмнавалосых?
Сяргей Нагорны: Не ведаю, можа нават на рудую (смяецца). Можа, і рудая выйграе фінал. Не стаіць такой задачы, каб у фінале ўсе дзяўчаты былі з блакітнымі вачыма, светла-русыя “беларусачкі”. Неабавязкова, каб такая стала пераможцай, проста іх большасць прыходзіць на кастынг.
Еўрарадыё: Дзяўчат з экзатычнай знешнасцю маюць хоць нейкі шанец?
Сяргей Нагорны: Якую экзотыку вы хочаце адшукаць у Беларусі?
Еўрарадыё: Ну, не ўсе ж у нас бладзінкі з блакітнымі вачыма. Дастаткова толькі прайсціся па мінскіх вуліцах, каб сустрэць такі тыпаж.
Сяргей Нагорны: Ведаеце, мабыць на вуліцах і ёсць, але на кастынгах ідзе славянская знешнасць.
Не заўсёды артыстычныя таленты дзяўчыны могуць дапамагчы ёй выйсці ў фінал конкурсу. Так, адна дзяўчына спачатку ўразіла журы ўсходнім танцам, але пасля выхаду на подыум у купальніку, не змагла прайсці ў наступны тур.
Дырэктар мадэльнага агенцтва “Тамара” Тамара Ганчарова кажа Еўрарадыё, што па знешнасці фіналісткі “Міс Беларусь-2008” усе адразу ж павінны здагадацца, якую краіну яна прадстаўляе.
Тамара Ганчарова: Мы шукаем проста прыгожую, з нейкай унутранай харызмай, нейкую вельмі наіўную, з чыстым поглядам, з чыстымі вачыма – дзяўчыну, якая будзе сімвалам прыгажосці нашай краіны.
Пакуль самым багатым на прыгожых і цікавых дзяўчат лічыцца Гомель. У асноўным мадэлямі жадаюць стаць дзяўчаты 18-19 гадоў, самым сталым споўнілася 23. У гэтым годзе журы задае не толькі традыцыйныя пытанні, але правярае канкурсантак на наяўнасць пачуццё гумару. Такую задачу сябры журы даручылі рэзідэнту Comedy Club Яўгену Булку.
Яўген Булка: Калі сябры журы пытаюцца пра параметры: рост, ахопы ўсялякія, аб’ёмы, - я магу спытаць, колькі разоў падцягваецеся ці за колькі стометроўку бегаеце.
Еўрарадыё вырашыла даведацца ў сяброў журы іх ідэал жаночай прыгажосці.
Сяргей Нагорны: У мяне іх шмат. Разумееце, у нас 200 мадэляў, і кожная па-свойму цікавая і запатрабаваная, таму апісаць нейкі адзін немагчыма і непатрэбна.
Тамара Ганчарова: Гэта правільныя рысы твару, гэта высокія скулы, гэта чысты і светлы твар, гэта ўнутраны змест, які адлюстроўваецца на знешнасці і, канешне, культура цела.
Яўген Булка: Мне больш падабаюцца брунэткі. Хаця на кастынгу ў Гомелі выйшла на подыум такая прыгожая бландзінка, што я ажно пачырванеў і апусціў вочы.
Адборачныя туры “Міс Беларусь-2008” прайшлі ў 5 гарадах, наперадзе яшчэ 10. Плануецца, што ў пачатку лютага стане дакладна вядома, хто далей будзе змагацца за галоўны тытул.
Па словах кіраўніка мадэльнага агенцтва Сяргея Нагорнага, яны не шукаюць канкрэтны тып дзяўчыны, бо апроч знешнасці канкурсантка павінна быць яшчэ артыстычнай і кемлівай, каб змагла дастойна прадстаўляць краіну на міжнародным узроўні. На пытанне Еўрарадыё, ці не робіць журы стаўку на славянскі тып знешнасці, Сяргей так і не адказаў.
Еўрарадыё: Апошні конкурс “Міс свету” паказаў, што зараз у модзе брунэткі. А вы на каго робіце стаўку - на бландзінак ці цёмнавалосых?
Сяргей Нагорны: Не ведаю, можа нават на рудую (смяецца). Можа, і рудая выйграе фінал. Не стаіць такой задачы, каб у фінале ўсе дзяўчаты былі з блакітнымі вачыма, светла-русыя “беларусачкі”. Неабавязкова, каб такая стала пераможцай, проста іх большасць прыходзіць на кастынг.
Еўрарадыё: Дзяўчат з экзатычнай знешнасцю маюць хоць нейкі шанец?
Сяргей Нагорны: Якую экзотыку вы хочаце адшукаць у Беларусі?
Еўрарадыё: Ну, не ўсе ж у нас бладзінкі з блакітнымі вачыма. Дастаткова толькі прайсціся па мінскіх вуліцах, каб сустрэць такі тыпаж.
Сяргей Нагорны: Ведаеце, мабыць на вуліцах і ёсць, але на кастынгах ідзе славянская знешнасць.
Не заўсёды артыстычныя таленты дзяўчыны могуць дапамагчы ёй выйсці ў фінал конкурсу. Так, адна дзяўчына спачатку ўразіла журы ўсходнім танцам, але пасля выхаду на подыум у купальніку, не змагла прайсці ў наступны тур.
Дырэктар мадэльнага агенцтва “Тамара” Тамара Ганчарова кажа Еўрарадыё, што па знешнасці фіналісткі “Міс Беларусь-2008” усе адразу ж павінны здагадацца, якую краіну яна прадстаўляе.
Тамара Ганчарова: Мы шукаем проста прыгожую, з нейкай унутранай харызмай, нейкую вельмі наіўную, з чыстым поглядам, з чыстымі вачыма – дзяўчыну, якая будзе сімвалам прыгажосці нашай краіны.
Пакуль самым багатым на прыгожых і цікавых дзяўчат лічыцца Гомель. У асноўным мадэлямі жадаюць стаць дзяўчаты 18-19 гадоў, самым сталым споўнілася 23. У гэтым годзе журы задае не толькі традыцыйныя пытанні, але правярае канкурсантак на наяўнасць пачуццё гумару. Такую задачу сябры журы даручылі рэзідэнту Comedy Club Яўгену Булку.
Яўген Булка: Калі сябры журы пытаюцца пра параметры: рост, ахопы ўсялякія, аб’ёмы, - я магу спытаць, колькі разоў падцягваецеся ці за колькі стометроўку бегаеце.
Еўрарадыё вырашыла даведацца ў сяброў журы іх ідэал жаночай прыгажосці.
Сяргей Нагорны: У мяне іх шмат. Разумееце, у нас 200 мадэляў, і кожная па-свойму цікавая і запатрабаваная, таму апісаць нейкі адзін немагчыма і непатрэбна.
Тамара Ганчарова: Гэта правільныя рысы твару, гэта высокія скулы, гэта чысты і светлы твар, гэта ўнутраны змест, які адлюстроўваецца на знешнасці і, канешне, культура цела.
Яўген Булка: Мне больш падабаюцца брунэткі. Хаця на кастынгу ў Гомелі выйшла на подыум такая прыгожая бландзінка, што я ажно пачырванеў і апусціў вочы.
Адборачныя туры “Міс Беларусь-2008” прайшлі ў 5 гарадах, наперадзе яшчэ 10. Плануецца, што ў пачатку лютага стане дакладна вядома, хто далей будзе змагацца за галоўны тытул.
