Нацбанк: Беларусы скупляюць валюту
Чыстая купля наяўнай і безнаяўнай замежнай валюты з боку насельніцтва ў кастрычніку склала амаль 380 мільёнаў долараў.
Пра гэта сведчаць звесткі Нацыянальнага банка. Згодна з імі, перадае БелаПАН, у кастрычніку беларусы куплялі больш валюты, чым у верасні. Тады чыстая купля валюты фізічнымі асобамі склала крыху больш за 330 мільёнаў долараў. У жніўні — крыху менш за 170 мільёнаў долараў.
Дарэчы, насельніцтва купляе валюты больш, чым прадае, пяць месяцаў запар. З лютага да чэрвеня фізічныя асобы прадавалі валюты больш, чым куплялі.
Фота — dengi.onliner.by
