На з'ездзе АГП абмяркоўваецца далейшы ўдзел у выбарчай кампаніі
13-ы з'езд Аб'яднанай грамадзянскай партыі праходзіць у Мінску ў Палацы культуры МТЗ. Пасля справаздачы старшыні партыі Анатоля Лябедзькі і прагляду фільма, прысвечанага АГП, распачалася дыскусія, прысвечаная далейшаму ўдзелу партыі ў выбарах у мясцовыя саветы. Нагадаем, на з'ездзе мусіць быць абраны старшыня партыі і яго намеснікі, будзе абраная Палітрада і прынятае рашэнне аб удзеле АГП у выбарах у мясцовыя саветы.
