На волю выйшлі актывісты, затрыманыя на Чарнобыльскім шляху
Першым каля восьмай вечара выйшаў актывіст анархісцкага руху Ігар Трухановіч.
Пазней выйшлі актывісты "Еўрапейскай Беларусі" Зміцер Чарняк і Аляксандр Тарнагурскі. Яны таксама былі асуджаныя пасля Чарнобыльскага шляху на 10 сутак.
У каментары Радыё "Свабода" яны распавялі, што ў камеры былі жудасныя антысанітарныя ўмовы і вошы.
Вызваленых актывістаў сустракалі каля дзясятка сяброў і паплечнікаў, у тым ліку палітыкі Анатоль Лябедзька і Віталь Рымашэўскі.
