На вадасховішчы на Магілёўшчыне пасяліўся пелікан (фота)
Кучаравы пелікан пасяліўся на Чыгірынскім вадасховішчы ў Магілёўскай вобласці. Пра гэта паведамляецца ў супольнасці Birding Belarus у фэйсбуку.
Аматары арніталогіі паведамляюць, што кучаравага пелікана (Pelecanus crispus) 10 студзеня заўважыў А.Розін. Гэта новы від птушак для Беларусі. На вадасховішчы пелікан актыўна пералятае i харчуецца.
Чыгірынскае вадасховішча знаходзіцца на мяжы Кіраўскага і Быхаўскага раёнаў, на рацэ Друць. Яно выкарыстоўваецца ў энергетычных мэтах для Чыгірынскай ГЭС і для адпачынку.
Фота: сацыяльныя сеткі
