На супрацоўніка банка БелВЭБ завялі крымінальную справу — за заклікі да санкцый
Спачатку мужчыну арыштавалі на 10 сутак, а потым на яго завялі крымінальную справу / Ілюстрацыйнае фота pixabay.com
Праваабаронцам стала вядома пра затрыманне супрацоўніка банка БелВЭБ Віктара Грынько. Сілавікі прыйшлі да яго з ператрусам яшчэ 21 кастрычніка. Пасля ператрусу і затрымалі.
Сваякі сцвярджаюць, што сілавікі падкінулі ў кватэру мужчыны пратэсную сімволіку і парнаграфічныя матэрыялы.
Дакладную прычыну затрымання праваабаронцы не ведаюць. Мяркуюць, што падставай магла зрабіцца пазіцыя Віктара Грынько з нагоды падзей ва Украіне: ён выказваўся супраць вайны. Спачатку мужчыну арыштавалі на 10 сутак, а затым на яго завялі і крымінальную справу. Яму інкрымінуюць артыкул 361 КК РБ (заклікі да санкцый).
