На станцыі метро “Інстытут культуры” жанчына ўпала на рэйкі
Гэта не была спроба суіцыду.
На станцыі мінскага метро “Інстытут культуры” 55-гадовая жанчына ўпала на рэйкі. Гэта здарылася ўвечары 2 красавіка, паведамляе прэс-служба МНС. Як высветлілася, ёй стала блага і таму жанчына страціла раўнавагу.
Пацярпелую паднялі на платформу супрацоўнікі станцыі. Затым жанчыну даставілі ў лякарню з нецяжкой чэрапна-мазгавой траўмай і ўдарам пляча.
З-за гэтага інцыдэнту на Маскоўскай лініі метро на 4 хвіліны спыняўся рух.
