На пажары ў Мінску выратавалі 10 чалавек, ёсць ахвяра
![Пажар у Мінску](/sites/default/files/styles/gallery_main/public/2024-01/pazar-3101.jpg.webp?itok=v1QueVkD)
Пажар у Мінску / прэс-служба МНС
31 студзеня мінскія ратавальнікі атрымалі паведамленне пра дым у пад'ездзе шматкватэрнага жылога дома на вуліцы Прытыцкага, паведамляе прэс-служба ведамства.
На месцы выкліку падчас разведкі ў кватэры, якая гарэла, супрацоўнікі МНС знайшлі 88-гадовую жанчыну. Пенсіянерку ў непрытомным стане перадалі медыкам. Аднак тыя пасля агляду канстатавалі смерць жанчыны.
Шчыльны дым ствараў пагрозу жыхарам вышэйшых паверхаў. Ратавальнікі з дапамогай масак вывелі на свежае паветра дзесяць чалавек, у тым ліку траіх дзяцей.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.