На нядзелю прагназуюць мокры снег, на паўднёвым захадзе краіны — туманы
У бліжэйшыя суткі, 25 лістапада, у Беларусі чакаецца хмарнае надвор’е. Уначы месцамі, раніцай і ўдзень у многіх раёнах краіны пройдзе снег, мокры снег, на паўднёвым захадзе з дажджом.
Таксама на паўднёвым захадзе Беларусі прагназуюць моцныя туманы, праз якія ў гэтых раёнах абвяшчаюць аранжавы ўзровень небяспекі.
Месцамі будзе слабы галалёд, на асобных участках дарог — галалёдзіца. Вецер слабы.
Тэмпература паветра ўначы складзе 1-6 градусаў марозу, на паўднёвым захадзе — ад нуля да +2. Удзень будзе ад -2 да +4, паведамляе БЕЛТА са спасылкай на Белгідрамет.
