На новых мікрахвалёўках “Гарызонт” надпісы можна сціраць пальцам (фота)
Слухач Еўрарадыё тыдзень таму набыў новую мікрахвалёвую печку "Гарызонт". Праз пару дзён надпісы пад кнопкамі пачалі бясследна сцірацца простым націсканнем пальца. "Неверагодна! Проста пальцам водзіш — і яно сціраецца. Нават перманентны маркер служыць лепей. Нічога не скажаш: купляйце беларускае!.. А яшчэ мікрахвалёўка выбівала коркі ў кватэры, пакуль не выклікалі электрыка. А вось такая самая "Кандзі" да гэтага нічога не выбівала і нічога на ёй не сціралася", — паскардзіўся мужчына і даслаў у рэдакцыю здымкі цуд-печкі.
