На наступнай “Рок-каранацыі” пераможцаў будуць выбіраць акадэмікі

На наступнай “Рок-каранацыі” пераможцаў будуць выбіраць акадэмікі, як гэта робіцца на Оскары і Грэмі.
Пра гэта паведаміў арганізатар мерапрыемства Юрый Цыбін на круглым стале, што адбыўся ў офісе tut.by 12 сакавіка.

“У наступным годзе мы, вядома, будзем па іншым фармаце праводзіць... Я думаю, мы пойдзем па такім шляху: мы зробім, як на Оскары, як на Грэмі — акадэмікаў. Вось Алег Хаменка будзе акадэмікам. Толькі цяпер я магу сказаць, што мы вызначыліся з фарматам”, — сказаў Цыбін.