На Нарадзе Канвенцыі Эспа беларускую інфармацыю пра АЭС назвалі недастатковай

На Нарадзе Канвенцыі Эспа беларускую інфармацыю пра АЭС назвалі недастатковай

Беларусь не дала дастатковай інфармацыі па абгрунтаванні на карысць Астравецкай пляцоўкі для будаўніцтва АЭС. Такое рашэнне было прынятае на нарадзе бакоў Канвенцыі Эспа, якая праходзіла ў Жэневе, паведамляе прэс-служба МЗС.  

"Профільны Камітэт нават не даў сабе працы растлумачыць, наколькі недастатковай была беларуская інфармацыя. Напэўна, таму, што крытэра дастатковасці няма як у самой Канвенцыі, так і ў дакументах, якія вызначаюць правілы работы Камітэта па яе ўжыванні. Пры гэтым у парушэнне працэдур працы Камітэта Беларусь была пазбаўленая магчымасці афіцыйна пракаментаваць неабгрунтаваныя прэтэнзіі да яе", — гаворыцца ў каментары прэс-службы.

Рашэнне Нарады названае "антыбеларускім". К МЗС лічаць, што яно прынятае з ініцыятыве дэлегацыі Еўрасаюза, каб дагадзіць Літве. 

Беларускі бок падкрэслівае, што амаль восем гадоў наша дзяржава актыўна супрацоўнічала з Камітэтам Эспа ў рамках разгляду літоўскай скаргі. Таксама дыпламаты мяркуюць, што літоўскі бок палітызаваў пытанне Беларускай АЭС і пазбягаў канструктыўнага дыялогу па ёй. "Знішчыўшы ўласную ядзерную энергетыку і адмовіўшыся ад беларускіх прапаноў будаваць АЭС сумесна, літоўскім палітыкам, відавочна, не застаецца нічога іншага, як спрабаваць перакласці цяжар адказнасці перад выбаршчыкамі з хворай галавы на здаровую", — кажуць у прэс-службе.

МЗС нагадвае, што кожная краіна мае права на развіццё мірнай ядзернай праграмы. 

"Мы зробім высновы з дзеянняў бакоў Канвенцыі Эспа і ўлічым іх пры фармаванні нашых адносін у будучыні", — адзначаецца ў фінале заявы.

Апошнія навіны

Галоўнае

Выбар рэдакцыі