На нафтабазе пад Кіевам знайшлі целы трох загінулых ратавальнікаў
Раней іх лічылі зніклымі без вестак.
У Васількаўскім раёне Кіеўскай вобласці ад раніцы працягваецца ліквідацыя пажару на нафтабазе. Як інфармуе УНІАН, там знайшлі целы трох ратавальнікаў, якія дагэтуль лічыліся зніклымі без вестак. "Хлопцы загінулі бясстрашна змагаючыся з агнём. Гонар і памяць!", — напісаў у Facebook міністр унутраных спраў Арсен Авакаў.
Раней было вядома пра 1 загінулага і 14 пацярпелых, сярод якіх 7 — ратавальнікі.
Мяркуецца, што тушэнне пажару можа быць завершанае ўначы. Ратавальнікі здолелі лакалізаваць узгаранне і агонь не перакінуўся на суседнюю нафтабазу і на ваенныя склады.
Фота: УНІАН
