На матчы Беларусь — Сан-Марына затрымалі фанатаў з бел-чырвона-белымі сцягамі
У Мінску на футбольным матчы турніру Ліга нацыяў Беларусь — Сан-Марына затрымалі некалькіх чалавек, бо яны прынеслі на трыбуны бел-чырвона-белыя сцягі, паведамляе Радыё Свабода.
З трыбуны было чуваць воклічы “Жыве Беларусь!”.
Пасля таго, як АМАП вывеў некалькіх чалавек са стадыёна, астатнія заўзятары ў фанацкім сектары спявалі песню “Воины света”, якая ў свой час стала неафіцыйным гімнам украінскага Майдана.
Як удакладняе Прессбол, затрыманні адбыліся пасля матчу, цягам 15 хвілінаў з фанацкага сектара нікога не выпускалі.
Футбольны матч скончыўся з лікам 5:0 на карысць Беларусі.
На трыбунах у Менску людзі сталі сьпяваць песьню Міхалка "Воины света" пасьля таго, як АМАП затрымаў двух заўзятараў за бел-чырвона-белы сьцяг. pic.twitter.com/EK9PxboChd
— Радыё Свабода (@svaboda) 8 сентября 2018 г.
