На маладафронтаўцаў распачалі крымінальную справу
Упраўленнем КДБ па Мінску і
Мінскай вобласці распачата крымінальная справа ў адносінах двух актывістаў
незарэгістраванай моладзевай арганізацыі «Малады Фронт».
Зміцер Хведарук і Алег
Корбан падазраюцца ў «незаконнай арганізацыі дзейнасці грамадскага аб’яднання».
Сёння іх дапыталі ў прысутнасці адвакатаў, прызначаных дзяржаўнымі органамі.
Нагадаем, у нядзелю ў Мінску спецназ і супрацоўнікі спецслужб на прыватнай кватэры затрымалі 28 актывістаў «Маладога фронту». Пазней усіх адпусцілі, за выключэннем Хведарука і Корбана, якія зараз знаходзяцца ў следчым ізалятары КДБ.
На здымку — Зміцер Хведарук.
Фота Юліі Дарашкевіч