На Луганскі памежны атрад напалі больш за 400 баевікоў (відэа)
Першая атака з выкарыстаннем аўтаматаў і падствольных гранатамётаў пачалася каля 4-й гадзіны і доўжылася каля 40 хвілінаў.
Як паведамляе censor.net.ua, памежнікі яе паспяхова адбілі.
Другую атаку нападнікі пачалі з пазіцый, абсталяваных у вокнах шматпавярховіка. Прыцэльны агонь па памежніках вялі снайперы.
Памежнікі адбілі другую і трэцюю хвалі атакі. Сярод абаронцаў ёсць параненыя.
Агульная колькасць нападнікаў складае больш за 400 чалавек. На дапамогу памежнікам кіраўніцтва антытэрарыстычнай аперацыі выслала знішчальнік. Аднак весці прыцэльны кропкавы агонь у горадзе ён не змог.
Фота — mychicagonews.com
