Вы тут

На "Гродна Азоце" за вакцынацыю работнікам абяцаюць 250 рублёў

Работнікі "Гродна Азота" / gazeta.azot.by

На "Гродна Азоце" за вакцынацыю работнікам абяцаюць 250 рублёў. Але ёсць умова — прайсці яны яе павінны да 3 снежня. Пра гэтае рашэнне кіраўніцтва прадпрыемства заявіў намеснік гендырэктара па сацыяльных пытаннях і ідэалагічнай працы Рамуальд Барсук. Такім чынам людзі, якія "клапоцяцца пра сваё здароўе", будуць матэрыяльна заахвочаны. Чаму менавіта да 3 снежня? На гэты дзень прыпадаюць 58-я ўгодкі "Гродна Азота", піша gazeta.azot.by.

На прадпрыемстве падкрэсліваюць, што ад здароўя і працаздольнасці работнікаў наўпрост залежыць "бесперабойная праца вытворчасці".

Абяцанне матэрыяльнага ўзнагароджання для работнікаў за праходжанне вакцынацыі ад каранавіруса гучала раней на іншых прадпрыемствах краіны. Напрыклад, на МТЗ абяцалі 80 рублёў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.