На футбаліста, якога затрымлівалі за пратэсты, распачалі крымінальную справу

На футбаліста, якога затрымлівалі за пратэсты, распачалі крымінальную справу

На беларускага футбаліста, якога затрымлівалі за пратэсты, распачалі крымінальную справу. Гаворка пра былога нападаючага "Гарадзеі" 20-гадовага Расціслава Шавеля, якому пагражае да трох гадоў пазбаўлення волі. Раней яго тройчы затрымлівалі за ўдзел у пратэстах — двойчы летась (8 і 15 сутак) і аднойчы сёлета ў траўні (15 сутак).

Шавеля схапілі 17 траўня каля пад'езда людзі ў цывільным, калі ён вяртаўся з працы. Далей быў суд і 15 сутак за "непадпарадкаванне". Расціслаў Шавель мусіў выйсці на волю 1 чэрвеня, але яго завезлі ў Следчы камітэт і аб'явілі, што затрымліваюць на трое сутак.

4 чэрвеня Шавеля перавялі ў СІЗА № 1 на Валадарскага. Яго абвінавчваюць па артыкуле 342 КК "арганізацыя і падрыхтоўка дзеянняў, якія груба парушаюць грамадскі парадак".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі