На чэмпіянаце свету сустрэнуцца зборныя Фінляндыі і Швейцарыі
У пятніцу ў Мінску пройдуць чарговыя хакейныя матчы.
Фіны і швейцарцы згуляюць на "Мінск-Арэне", пачатак у 20.45. Яшчэ раней, у 16.45, на лёд выйдуць зборныя ЗША і Казахстана. У гэты ж час на "Чыжоўка-Арэне" пачнецца гульня Канада — Італія. У 20.45 там сустрэнуцца зборныя Швецыі і Славакіі.
Нагадаем, учора зборная Беларусі саступіла Фінляндыі — 0:2, Швецыя перамагла Францыю — 2:1, Латвія сенсацыйна абыграла ЗША — 6:5, Канада разграміла Данію — 6:1.
