На Брэстчыне існуе самая спрыяльная дэмаграфічная сітуацыя ў Беларусі

У Брэсцкай вобласці існуе самая спрыяльная дэмаграфічная сітуацыя ў Беларусі. Пра гэта было заяўлена на нарадзе, якую 11 траўня зладзілі абласныя ўлады.

За першыя тры месяцы 2007 года на Брэстчыне нарадзіліся амаль чатыры тысячы чалавек, што складае 110,4% да аналагічнага ўзроўня мінулага года.

Каэфіцыент нараджальнасці - 11,2 выпадкі на 1 тысячу насельніцтва. Гэта самы высокі паказчык у Беларусі. У вобласці жывуць 98 чалавек, якія маюць ужо больш за сто гадоў.

www.belapan.com