МЗС: Высылка беларускага дыпламата з Украіны — недружалюбны крок Кіева
![МЗС: Высылка беларускага дыпламата з Украіны — недружалюбны крок Кіева](/sites/default/files/styles/gallery_main/public/2023-08/mzs-2806.jpg.webp?itok=HxsWodX4)
Высылку дыпламата з Украіны МЗС Беларусі расцэньвае як недружалюбны крок. Пра гэта гаворыцца ў каментары намесніка начальніка ўпраўлення інфармацыі МЗС Беларусі А.Шупляка, размешчаным на сайце дыпламатычнага ведамства.
"Расцэньваем рашэнне ўкраінскага боку аб высылцы дыпламата Пасольства Беларусі ва Украіне як абсалютна беспадстаўнае. Выказваем шкадаванне ў сувязі з гэтым недружалюбным крокам Кіева", — заявіў прадстаўнік МЗС.
Як паведамлялася раней, у сувязі са "шпіёнскім скандалам" Беларусь выслала дарадцу ўкраінскай амбасады Ігара Скварцова. Сёння стала вядома, што афіцыйны Кіеў у адказ выслаў першага сакратара беларускай амбасады ва Украіне. Імя высланага дыпламата не паведамляецца.