МЗС ФРГ: пытанне аб пашырэнні санкцый супраць Беларусі разгледзяць 15 лістапада
![МЗС Германіі / Monika Skolimowska/zb/dpa](/sites/default/files/styles/gallery_main/public/2023-08/teletext-dpa-image-der-eingang-des-auswaertigen-amts-archivbild-100_1280x720.jpg.webp?itok=VlkqGd4j)
МЗС Германіі / Monika Skolimowska/zb/dpa
Кіраўнікі МЗС ЕС плануюць у панядзелак, 15 лістапада, абмеркаваць пашырэнне санкцый у дачыненні да Беларусі, паведамляе "Інтэрфакс" са спасылкай на афіцыйную прадстаўніцу МЗС Германіі Андрэа Зассэ.
"У панядзелак кіраўнікі МЗС краін ЕС сустрэнуцца ў Брусэлі, запланаваная тэма пашырэння санкцый", — сказала Зассэ журналістам у Берліне.
Як паведамляла Еўрарадыё, канцлерка Германіі Ангела Меркель у сераду правяла тэлефонную размову з прэзідэнтам РФ Уладзімірам Пуціным, папрасіўшы яго паўплываць на Мінск у сувязі з сітуацыяй з уцекачамі на мяжы Польшчы і Беларусі. Германія заяўляе, што Мінск выкарыстоўвае мігрантаў, каб дэстабілізаваць ЕС, і наўмысна прыцягвае іх на так званы "беларускі маршрут" міграцыі.
Сітуацыя на мяжы Беларусі і Польшчы ўскладнілася ў панядзелак, калі да польскай мяжы з беларускага боку падышлі некалькі тысяч мігрантаў з краін Блізкага Усходу, якія жадаюць перабрацца ў Еўрасаюз. Прэм'ер Польшчы Матэвуш Маравецкі назваў сітуацыю на мяжы з ЕС " дзяржаўным тэрарызмам".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.