Муж ледзь не забіў жонку, якой не спадабалася яго жаданне запаліць
Жыхару адной з вёсак Шчучынскага раёна Гродзеншчыны давядзецца адказваць за пагрозу забойствам.
Як паведамляе БелаПАН, сварка паміж жонкай і мужам узнікла падчас сумеснага распіцця спіртных напояў. Муж вырашыў запаліць цыгарэту, а жанчыне гэта не спадабалася. На яе заўвагі нецвярозы муж адрэагаваў неадэкватна, раз'юшыўся. Ён узяў у рукі сякеру, пагражаючы забіць жонку, але своечасова спыніўся.
Пасля інцыдэнту ў жанчыны засталіся цялесныя пашкоджанні — па яе словах, ад сякеры, якую ўзяў муж. Ці так гэта было на самай справе, высветліцца падчас папярэдняга расследавання.
Фота — factroom.ru