МУС Украіны заяўляе, што паліцыя і СБУ ў намётавым мястэчку шукалі Саакашвілі
Міністэрства ўнутраных спраў Украіны паведаміла, што ніякага штурму намётавага мястэчка пад Вярхоўнай Радай зранку 6 снежня не было, перадае hromadske.ua. У заяве прэс-службы МУС гаворыцца, што праваахоўнікі шукалі Міхаіла Саакашвілі, а пратэстоўцы аказалі супраціў.
"Раніцай з мэтай выканання даручэння ГПУ паліцыя і СБУ праводзілі мерапрыемствы па вышуку і затрыманні Саакашвілі. Актывісты пачалі аказваць супраціў і правакаваць праваахоўнікаў. Пад Вярхоўнай Радай узмацнілі нарады праваахоўнікаў. Нікога з удзельнікаў акцыі не затрымлівалі", — заяўляе МУС.
Як паведамлялася раней, зранку ў аўторак з'явіліся звесткі пра штурм намётавага мястэчка пад сценамі Вярхоўнай Рады Украіны. Пры гэтым пацярпелі каля 10 чалавек. Самога Саакашвілі ў намётавым мястэчку не было.
У сваім акаўнце ў Фэйсбуку палітык паведаміў, што сілавікі хацелі выцягнуць яго, але пераблыталі намёты. Па словах Саакашвілі, сілавікі напалі на намёт з соннымі актывістамі і жорстка збілі іх.
#Київ: Вранці на виконання доручення ГПУ поліція та СБУ проводили заходи з розшуку та затримання М. Саакашвілі. Активісти почали чинити супротив і провокувати правоохоронців. Під ВРУ посилено наряди правоохоронців.
— МВС України (@MVS_UA) December 6, 2017
Нікого з учасників акції не затримували. pic.twitter.com/AnGG4vrDXw
