МУС Украіны прызнала, што жанчыну на Майдане не гвалтавалі (дакумент)
Праўда, на сайце міністэрства дагэтуль змешчанае паведамленне ад 31 снежня пра такое здарэнне.
Як інфармуе сайт liga.net, дэпутаты Вярхоўнай Рады ад УДАРа Валерый Пацкан і Мікалай Паламарчук звярнуліся з афіцыйным запытам да міністра ўнутраных спраў, каб спраўдзіць: было згвалтаванне ў намёце на Майдане Незалежнасці ў Кіеве ці гэта выдумка. Міністэрства ўнутраных спраў пацвердзіла, што распаўсюдзіла непраўдзівую інфармацыю. Высветлілася, што "пацярпелую" аглядаў лекар-гінеколаг і ён не выявіў "якіх-небудзь слядоў цялесных пашкоджанняў ці палавога акта".
У міліцыі заявілі, што грамадзянка мела канфлікт з нейкім мужчынам, але фізічна яна не пацярпела. Сваю заяву, пададзеную праваахоўнікам, 31-гадовая жыхарка Чарнігаўскай вобласці ўжо адклікала.
Фота — ria.ru, liga.net
