Міжнародная федэрацыя фехтавання прыпыніла дыскваліфікацыю ўкраінкі Харлан
![Вольга Харлан / sport.24tv.ua](/sites/default/files/styles/gallery_main/public/2023-07/volgacharlan.jpg.webp?itok=eq7Tjebd)
Вольга Харлан / sport.24tv.ua
Міжнародная федэрацыя фехтавання прыпыніла дыскваліфікацыю ўкраінскай шаблісткі Вольгі Харлан. Таму яна зможа выступіць на чэмпіянаце свету ў Мілане ў камандным турніры, які неабходны для кваліфікацыі на Алімпіяду 2024 года ў Парыжы, піша La Repubblica.
А Міжнародны алімпійскі камітэт заявіў, што Харлан атрымае дадатковую квоту, калі не пройдзе адбор на Алімпіяду ў Парыжы з-за страчаных праз дыскваліфікацыю балаў. Адпаведны ліст апублікаваў міністр спорту Украіны Вадзім Гутцайт. У ім МАК выказвае салідарнасць з украінскімі спартсменамі.
Напярэдадні на чэмпіянаце свету ў Мілане ў паядынку 1/32 фіналу Вольга Харлан упэўнена перамагла расіянку Ганну Смірнову, якая выступае ў нейтральным статусе — 15:7. Паціснуць ёй руку ўкраінка адмовілася. Расіянка пачала пратэставаць. Неўзабаве стала вядома, што Харлан дыскваліфікавалі. Выбухнуў скандал. Федэрацыя фехтавання Украіны падавала апеляцыю.
![Міжнародная федэрацыя фехтавання прыпыніла дыскваліфікацыю ўкраінкі Харлан](/sites/default/files/styles/default_image_paragraph/public/paragraphs/image/Ch2.jpg.webp?itok=xrkZ7CfZ)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.