Мітрапаліт Павел: Лукашэнка — нармальны праваслаўны чалавек
Кіраўнік Беларускай Праваслаўнай Царквы ў аўторак даў прэс-канферэнцыю ў Мінску.
У яго пацікавіліся, як ён ставіцца да таго, што Лукашэнка называе сябе праваслаўным атэістам? "Ён нармальны праваслаўны чалавек. Ён не зусім дакладна выказаўся. Мы з ім размаўлялі на гэту тэму", — цытуе адказ мітрапаліта Паўла "Наша ніва".
Кіраўнік БПЦ патлумачыў, што Аляксандр Лукашэнка "проста спрабаваў сказаць, што не штонядзелю ходзіць у царкву". Але з'яўляецца "веруючым праваслаўным чалавекам".
Фота — БЕЛТА
