Мінскі інфекцыяніст: у нас прагназуецца вельмі цяжкі красавік
Святаслаў Вельгін, намеснік галоўнага лекара па медыцынскай частцы Гарадской клінічнай інфекцыйнай бальніцы Мінска, пракаментаваў сітуацыю з распаўсюдам каранавіруса. Ён нагадаў, што ва ўсім свеце COVID-19 імкліва распаўсюджваецца.
"У нас таксама сітуацыя складаная, але панікаваць не трэба, — цытуе словы Вельгіна БЕЛТА. — Цяпер у нас прагназуецца вельмі цяжкі красавік, а там сітуацыя пакажа".
Інфекцыяніст падкрэслівае, што важна, каб "не было пікавага пад'ёму" распаўсюду каранавіруса.
У Беларусі зарэгістраваны ўжо 861 выпадак заражэння каранавіруснай інфекцыяй COVID-19, памерлі 13 чалавек. У свеце налічваецца 1 млн 381 тысяча заражаных, памерлі больш за 78 тысяч чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.