Мінская мытня з пачатку года канфіскавала ў 9 разоў больш наркотыкаў, чым летась
За 9 месяцаў 2017 года Мінская рэгіянальная мытня канфіскавала больш за 20 кг наркатычных сродкаў, псіхатропных рэчываў і іх прэкурсараў. Гэта ў 9 разоў больш, чым за аналагічны перыяд 2016 года.
З 16 крымінальных справаў, якія сёлета распачала мытня, 7 — за незаконнае перамяшчэнне забароненых "рэчываў" праз мытную мяжу Еўразійскага эканамічнага саюза, паведамілі Еўрарадыё на мытні.
