Мінская міліцыя пацвердзіла смерць супрацоўніка
Будынак ГУУС Мінгарвыканкама
У ГУУС Мінгарвыканкама пацвердзіла смерць міліцыянта. Аднак звесткі пра знойдзенае мёртвым дома супрацоўніка, якія распаўсюджваліся ў інтэрнэце, ва ўпраўленні назвалі неправеранымі.
"Супрацоўнік міліцыі хварэў і знаходзіўся на лячэнні ў шпіталі МУС", – сцвярджаюць у сталічнай міліцыі.
Як паведамляе тг-канал былых сілавікоў, гаворка пра маёра Дзяніса Тачыліна – участковага інспектара Ленінскага РУВД сталіцы. Яму было 33 гады.
