Мінсельгасхарч: На прэтэнзіі Расіі наконт малака даюцца аргументаваныя адказы
Рассельгаснагляд атрымлівае аргументаваныя адказы на ўсе свае прэтэнзіі наконт якасці беларускага малака. Пра гэта ў каментары агенцтву БЕЛТА заявілі прадстаўнікі Міністэрства сельскай гаспадаркі і харчавання Беларусі.
"Такая праца вядзецца", — дадалі беларускія чыноўнікі. Па іх словах, у нашай краіне дзейнічае шматступенная сістэма кантролю якасці малака — у дачыненні як да сыравіны, так і да гатовай прадукцыі.
Паміж Беларуссю і Расіяй ідуць перамовы наконт паставак беларускага малака. Рассельгаснагляд планаваў цалкам забараніць пастаўкі малака і малочнай прадукцыі з Беларусі 26 лютага. Пазней гэтыя санкцыі былі перанесеныя на 6 сакавіка, а потым яшчэ раз перанесеныя на 15 сакавіка.
