Мінінфарм абяцае даць інфармацыю пра блакаванне "Хартыі" 25 студзеня

Мінінфарм абяцае даць інфармацыю пра блакаванне "Хартыі" 25 студзеня

Афіцыйныя звесткі пра блакаванне сайта "Хартыя'97" з'явяцца 25 студзеня. Пра гэта першы намеснік міністра інфармацыі Ігар Луцкі паведаміў у каментары nn.by

"Давайце так: сёння ўжо працоўны дзень скончыўся. Заўтра будуць усе афіцыйныя звесткі. Даруйце, нічога больш не скажу. Рашэнне прынятае", — заявіў чыноўнік у сераду.

Міністр інфармацыі Аляксандр Карлюкевіч гэтыя дні знаходзіцца на бальнічным.

Пра блакаванне сайта "Хартыя'97" стала вядома ўвечары 24 студзеня. Для карыстальнікаў з Беларусі сайт або не загружаецца, або выскоквае паведамленне, што старонка знаходзіцца ў спісе абмежаванага доступу.
 
Раней у падобную сітуацыю трапіў сайт "Беларускі партызан". Доступ да яго быў адноўлены, калі рэдакцыя сайта зарэгістравала яго ў беларускай даменнай прасторы. Рэдакцыя "Хартыі'97" рэзка крытыкавала такі крок. 

Апошнія навіны

Галоўнае

Выбар рэдакцыі