Мінадукацыі вызначыла графік цэнтралізаванага тэставання

Міністэрства адукацыі сваёй пастановай №12 ад 13 лютага 2020 года зацвердзіла графік правядзення цэнтралізаванага тэставання. Пра гэта паведамляецца на Нацыянальным прававым інтэрнэт-партале.

Міністэрства вызначыла наступныя даты іспытаў: 

беларуская мова — 13 чэрвеня, субота;

руская мова — 15 чэрвеня, панядзелак;

грамадазнаўства — 17 чэрвеня, серада;

матэматыка — 19 чэрвеня, пятніца;

біялогія — 21 чэрвеня, нядзеля;

замежная мова (англійская, нямецкая, французская, іспанская, кітайская) — 23 чэрвеня, аўторак;

хімія — 25 чэрвеня, чацвер;

фізіка — 27 чэрвеня, субота;

гісторыя Беларусі — 29 чэрвеня, панядзелак;

геаграфія — 1 ліпеня, серада;

сусветная гісторыя (найноўшы час) — 4 ліпеня, субота.

Рэзервовыя дні для ЦТ:

8 і 10 ліпеня — беларуская і руская мовы;

8 і 12 ліпеня — грамадазнаўства, матэматыка, біялогія, замежныя мовы, хімія, фізіка, гісторыя Беларусі, геаграфія, сусветная гісторыя найноўшага часу.

У пастанове пералічваюцца ўстановы адукацыі, вызначаныя пунктамі рэгістрацыі для праходжання ЦТ, у тым ліку ў рэзервовыя дні, а таксама пунктамі правядзення ЦТ. У рэзервовыя дні ЦТ будзе праводзіцца ў Беларускім дзяржаўным універсітэце.

Пункты рэгістрацыі будуць працаваць з 9:00 да 19:00, у суботы (2 і 30 траўня) — з 9:00 да 18:00. Зарэгістравацца для праходжання ЦТ у рэзервовыя дні можна з 30 чэрвеня па 5 ліпеня.

ЦТ будзе пачынацца ў 11:00, у тым ліку ў рэзервовыя дні.

Сертыфікаты аб праходжанні ЦТ абітурыенты змогуць атрымаць у пунктах правядзення ЦТ з 12 ліпеня, у БДУ (рэзервовыя дні) — з 15 ліпеня.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.