Міліцыя ў цывільным з'явілася і ў Пінску

Пінскі ГАУС вырашыў пераняць вопыт сваіх мінскіх калег. У рэйды па вуліцах пачалі выходзіць супрацоўнікі патрульна-паставой службы ў грамадзянскай вопратцы. Пры сабе замаскаваныя міліцыянты маюць табельную зброю, кайданкі, рацыю. Пры ўзнікненні супрацьпраўнай сітуацыі яны аператыўна ўмешываюцца ў падзеі і затрымліваюць правапарушальнікаў.





Як кажуць самі міліцыянты, пінчукі пакуль не вераць, што супрацоўнікі ў джынсах і спартовых куртках знаходзяцца пры выкананні службовых абавязкаў і не падпарадкоўваюцца, таму даводзіцца выклікаць нарад у форме.





Нагадаем, што ў Мінску міліцыянты ў цывільнай вопратцы з'явіліся падчас маўклівых акцыяў пратэсту ў 2011 годзе.





Фота — ITAR-TASS