Міліцыя і медыкі гадзіну адгаворвалі мінчука, які хацеў саскочыць з даху
Ставіць "куб жыцця" давялося сёння мінскім ратавальнікам у мікрараёне Уручча.
Як паведамляе ў Твітары прэс-служба Мінскага гарадскога ўпраўлення МНС, ратавальнікаў выклікалі да дома 17 на вуліцы Шугаева. Гэта шматпавярховы жылы дом. На даху будынка знаходзіўся мужчына, які хацеў скочыць наніз.
Пакуль медыкі і прадстаўнікі міліцыі ўгаворвалі яго не рабіць гэта, ратавальнікі паставілі ўнізе "куб жыцця".
"Праз амаль гадзіну мужчына спусціўся сам. Усё добра", — адзначае прэс-служба сталічнага ўпраўлення МНС.
#минск @112MINSK @112by выезжали на ул.Шугаева, 17. На крыше находился мужчина. Работники МЧС развернули куб жизни, пока коллеги из @GUVD_Minsk и медики беседовали с ним. Спустя почти час мужчина спустился сам. Все хорошо. pic.twitter.com/0OdQEviGIP
— МЧС Минска (@112MINSK) May 28, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
