Мікалай Бардзюжа згадаў аб датычнасці рэжыму Бакіева да наркатрафіка
Генеральны сакратар АДКБ Мікалай Бардзюжа заявіў, што пры прэзідэнце Кіргізіі Курманбеку Бакіеве сілавыя структуры кантралявалі наркатрафік.
Як паведамляе РІА Новости, якія доказы гэтых абвінавачанняў мае АДКБ, Бардзюжа не ўдакладніў.
Былога прэзідэнта Кіргізіі Бакіева, згаданага Бардзюжам у сувязі з наркатрафікам, новыя ўлады даўно хочуць прыцягнуць да адказнасці і за іншыя злачынствы. Але не могуць: зрынуты прэзідэнт перабраўся ў Беларусь, якая,дарэчы, цяпер старшынюе ў АДКБ. А беларускі прэзідэнт выдаваць яго адмовіўся.
