Мікалай Аўтуховіч, які трымае "сухую галадоўку", на судзе не мог сядзець
![Мікалай Аўтуховіч, які трымае "сухую галадоўку", на судзе не мог сядзець](/sites/default/files/styles/gallery_main/public/2023-08/c5d03e416ce7e5bcea5051913de7b358.jpg.webp?itok=IGarst5E)
Вязень Мікалай Аўтуховіч, які 11-ы дзень трымае "сухую гадоўку", кепска пачуваўся на судзе 21 ліпеня, перадае Радыё "Свабода".
Яго па-ранейшаму трымаюць у асобнай цеснай клетцы. Суддзя спытаўся, ці можа ён сядзець. Аўтуховіч адказаў, што здолее, калі паляжыць 15 хвілін, а інакш не можа. На пытанне, ці патрэбны яму лекар, вязень адказаў, што той усё адно нічым не дапаможа. Па словах доктара, Аўтуховіч выглядае так, як і мае выглядацб чалавек, які галадае без вады 11-ы дзень.
У судзе абвясцілі перапынак да панядзелка, 25 ліпеня.
Напярэдадні стан Аўтуховіча рэзка пагоршыўся: узмацніліся болі ў жываце, пачалася рэзь, стаў надта частым пульс. Цяпер вязня трымаюць у карцары, дзе няма ложка, а нары могуць апусціць толькі на ноч. Заўтра ён павінен перайсьці ў звычайную камеру.
Аўтуховіч патрабуе толькі адно: каб яму пачалі перадаваць лісты ад сваякоў і іншых людзей. Нядаўна яму перапынілі ліставанне нават з маці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.