Міхалевіча падазраюць у арганізацыі масавых беспарадкаў

Экс-кандыдат на прэзідэнта Аляксей Міхалевіч, які знаходзіцца ў ізалятары КДБ, затрыманы па падазрэнні ў арганізацыі масавых беспарадкаў.  Пра гэта паведаміў БелаПАН яго адвакат Алег Агееў.

Паводле словаў адваката, абвінавачанне яго падабароннаму яшчэ не выстаўлялася. Тэрмін затрымання выбягае раніцай 23 снежня, пасля чаго Міхалевіча павінны альбо адпусціць, альбо выставіць абвінавачанне.