Мастак Бэнксі стаў ганаровым грамадзянінам украінскага Ірпеня

Графіці на руінах адной з разбураных шматпавярховак / instagram.com
Кіраўніцтва горада палічыла, што выкананнем графіці ён прыцягнуў увагу сусветнай супольнасці да маштабаў разбурэнняў.
Знакаміты брытанскі вулічны мастак Бэнксі стаў ганаровым грамадзянінам украінскага Ірпеня (Кіеўская вобласць). Пра гэта паведаміў мэр горада Аляксандр Маркушын. Восенню 2022-га Бэнксі выканаў на сценах разбураных будынкаў Ірпеня шэраг графіці. Кіраўніцтва горада палічыла, што такім чынам ён "прыцягнуў увагу сусветнай супольнасці да маштабаў разбурэнняў... і ўвекавечыў сваёй творчасцю гісторыю барацьбы Ірпеня і ідэю яго адраджэння".
Дзякуючы пільным жыхарам Ірпеня стала вядома, што Бэнксі працуе не адзін, а з камандай. Сам мастак быў у масцы, таму яго твару ніхто не бачыў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.