Масавыя пратэсты ў Грэцыі: на вуліцах гарэлі машыны (фота, відэа)
У ноч на нядзелю ў сталіцы Грэцыі Афінах, а таксама ў іншых гарадах адбыліся масавыя беспарадкі.
Маніфестанты выйшлі на вуліцы з нагоды шостай гадавіны гібелі 15-гадовага падлетка Аляксандраса Грыгаропуласа ў сутыкненнях з паліцыяй. Як паведамляюць замежныя СМІ, цягам ночы ў Афінах арыштавалі 211 дэманстрантаў, а ў Салоніках — 25 чалавек.
Мітынг пачаўся як мірная дэманстрацыя, але паступова ператварыўся ў сутыкненні з паліцыяй. На вуліцы выйшлі сотні маладых людзей, узброеных прынадамі з запальнай сумессю і камянямі.
У Афінах дэманстранты падпальвалі аўтамабілі, у тым ліку пажарныя і паліцэйскія, а таксама грамілі крамы.
Паліцыя ў сваю чаргу прымяніла слезацечны газ супраць найбольш агрэсіўных дэманстрантаў. Паведамленняў пра сур’ёзныя раненні ў часе сутычак няма, вядома толькі пра два звароты ў лякарню ў Афінах.
Частка сутыкненняў адбывалася ў турыстычнай, цэнтральнай частцы Афін, аднак эпіцэнтрам супрацьстаяння стала прадмесце Экзархія, якое лічыцца вотчынай анархістаў. Там узводзілі барыкады на вуліцах.
Фота: REUTERS
