Мартэн Фуркад перамог у спрынце на заключным этапе Кубка свету па біятлоне

Французскі біятланіст Мартэн Фуркад перамог у спрынце на заключным этапе Кубка свету, які праходзіць у расійскай Цюмені. Дыстанцыю ў 10 км ён пераадолеў за 25 хвілінаў 49,0 сек. (0+0). Фуркад трымае лідарства агульнага заліку Кубка свету.

Другое месца ў спрынце заняў таксама француз Сімон Дэсцье, які саступіў лідару 33,2 сек. (0+0). Трэцюю прыступку п'едэсталу заняў шведскі біятланіст Фрэдрык Ліндстрэм: ён прыйшоў на 33,5 сек. пазней за Фуркада (0+0).

Найлепшым у беларускай зборнай стаў Сяргей Бачарнікаў, які заняў 30-е месца. Максім Варабей фінішаваў 36-м, Антон Смольскі — 41-м, а Раман Ялётнаў — 64-м.

Заўтра на дзявятым этапе Кубка свету па біятлону пройдзе жаночы спрынт. Старт гонкі — у 16.45.