Малдова заблакіравала мясцовы Sputnik - частку МІА "Расія сёння"
Замест "Sputnik Малдова" цяпер белы шум
Рэдакцыя "Sputnik Малдова" атрымала апавяшчэнне ад уладаў рэспублікі пра спыненне працы сайта агенцтва з 26 лютага. Сайт ужо недаступны. Яго заблакавалі ў сувязі з рашэннем службы інфармацыі і бяспекі Малдовы.
Таксама "Sputnik Малдова" пазбаўлены права на радыёвяшчанне. Яно павінна спыніцца з 7 сакавіка.
"Спутнікі" розных краін — гэта частка прапагандысцкага МІА "Расія сёння". У Беларусі ёсць свой Sputnik — ён транслюе на нашу краіну "расійскі парадак дня".
За мінулы тыдзень Латвія, Літва і Эстонія забаранілі вяшчанне некалькіх прапагандысцкіх тэлеканалаў на рускай мове. У Літве і Эстоніі пад забарону патрапіў і беларускі тэлеканал "Беларусь 24".
