Максім Мірны згуляе ў паўфінале міксту на Уімблдоне
Беларускі тэнісіст разам з партнёркай з Тайваню Хао-Чын Чань выступіць 5 ліпеня.
Іх супернікамі ў паўфінале стануць канадзец Дэніэл Нестар і Крысціна Младзенавіч з Францыі.
У стартавым матчы (другое кола) беларуска-тайванскі дуэт з лікам 7:6 (7:5), 6:4 выйграў у паляка Томаша Беднарэка і амерыканкі Вані Кінг. У 1/8 фіналу — у Крыса Гучыёнэ з Аўстраліі і Аксаны Калашнікавай (Грузія) — 6:2, 7:6 (7:4). У чвэрцьфінале Мірны і Чань былі мацнейшымі за Джэймі Мюрэя (Вялікабрытанія) і Кейсі Дэлаква (Аўстралія) — 6:2, 3:6, 6:3.
